…… قديم الأمس……..
دروب المـحـبة كـايـده ما عـلـيها لــوم
ودرب الهوى كم طيّح الفارس النشمي
انا خابر اني ما اشتكي لو يقوم القوم
اقل للوجع انطم و يقل على خشمي
ليا صـار صدري بالبلا و الوجع مزحوم
وهمي على وجهي من الضيق مرتسمي
اناجي خيال الولف واشكي عليه هموم
همومٍ من الضيقة تنسيني ايش اسمي
فلا تغرك الضحكة ترى خاطري مسموم
سموم الهوى ترعد بها نوة الوسمي
تجدّد قديم الأمس واصبح جديد اليوم
ومات الامل يوم ان حظي غدى خصمي
