قصيدة… الجروح الساكنة…
يا مقلّب اوجاعي ترى ماني على الدمعه قوي
خل الجروح الساكنة بالقلب لا تبحث خفاي
الحزن من اربع جهات القلب به يعوي عوي
ارجوك من بعض السوالف لا تزود في شقاي
في مظهري طيب وهندامي تحسّبني سوي
اجامل العربان واضحك لو وصلت لمنتهاي
آمنت بالله لو صروف الدهر تطويني طوي
يالله عليك المشتكى يالله تخفف من عناي
يالله تقديني طريق الحق جنبني الغوي
سمّح دروبي ياعظيم الشان وافصح في حكاي
انت السميع انت البصير القادر الحق القوي
ياللي بك الهقوات ما تخطي تحقق مبتغاي
