قصيدة هروج الوشاة
بعض البشر الخير في وجهه وفيه
لا حل في ديرة سقاها الله بماه
وبعض البشر نكبه ولا ودك تجيه
وان جاك جاك الشر كله من وراه
اللي سفيه العقل لا تشره عليه
جامل معه واضحك ولا تتبع خطاه
عقلك ثمين وحاول انك تشتريه
لا تبيع عقلك للمخالف في هواه
النفس طماعه على ما تمتنيه
كل(ن) توفى ما تحقق مبتغاه
خلك كما اللي يفعل الخير ونسيه
يرجي ثواب الله لايرجي سواه
اثقل وطنش وانتبه خلك نبيه
لا تامن الخوان لو زين حكاه
واعذر وسامح والاثر لا تقتفيه
تلقاه همز ولمز و هروج الوشاه
