قصيدة جرعة السم
…… قصيدة جرعة السم……
فينا روابـط دم ما تـنـحـسـب كم
لا يـابـن عمـي لو حسبت اتعبتني
الأصـل واحـد والـنسـب فيه نلتم
والـكـلـمـة اللي تـعـيـبكـم عيبتني
أحشم ولد عمي عن القـدح والذم
حـتى ولـو نـاره بجـوفـي كـوتـني
وأشـيـل عـنـه الـهـم لاصـار مهتم
كـل الـمـواجـع شـلـتها فوق متني
بعض الكلام أشد من جرعة السم
كلـمـة ولكن في الحـشى سممتني
أدسـها وأضـحـك ولو كـنت مغتم
واعذر واسـامـح كنها ما احرقتني
حـنا نخصص في الـمـعـاذير ونعم
نفسـي على سـاس المكـارم بنتني
الـديـن والـنـخـوة مـع طـيبنا عـم
و الـمـرجـلـة بـعـهـودهـا و ثقـتني
أحفظ لسـاني قبل لا اقول واندم
وأرفع علومي عن علوم(ن)لفتني
في كـل خـير و فـال دوم اتقـدم
واجمل اللي في الـعـرب جملتني
الشاعر /عبدالقادر الذوباني
